Este mes de outubro comezan as intervencións musicais nos centros seleccionados para participar no proxecto europeo de cooperación transfronteiriza EUTERPE_adn, que ten como obxectivo principal explorar o impacto terapéutico da música en persoas maiores, con deterioro cognitivo ou dano cerebral.
A Casa da Música do Porto e Músicos ao Vivo S. Coop. Galega súmanse ao proxecto xunto co traballo coordinado de asociacións de pacientes como a Asociación de Dano Cerebral de Compostela (SARELA), a Asociación Galega de axuda aos enfermos con demencia tipo Alzhéimer (AGADEA), a Santa Casa da Misericordia de Porto e a Associação Portuguesa de Familiares e Amigos de Doentes de Alzhéimer.
O proxecto terá unha duración de 3 anos.