Presentación novo disco Carmen Rosende & The Burning Laikas 17-10-2026 21:30
Carmen Rosende & The Burning Laikas presentan o seu novo disco, Izan, na Fábrica de Chocolate.
A banda de soul progresivo aposta por un directo como os de antes, sen autotune nin pistas gravadas. Tan só unha voz das que poñen os pelos de punta: potente, versátil, que baila entre a dozura e o rasgado; un Fender Rhodes dos 70 repartindo acordes punzantes e unha batería facendo que cada quen saque os seus mellores pasos de baile. E, por se alguén precisa inspiración, esa noite contarán cos bailaríns de Compostela Soul Club na pista.
Ao rematar o concerto, o soul non se detén: continuaremos cunha sesión 100 % en vinilo a cargo de Mr Pitiful e Saleta Barinaga.
Carmen Rosende & The Burning Laikas gravaron o seu disco en directo, fieis á súa idea de crear unha música acorde co que están sentindo en cada momento. O 17 de outubro ás 21:30, deixa de facer scroll e ven sentir como a música recarga cada célula do teu corpo.
Entradas á venda en https://entradium.com/events/carmen-rosende-the-burning-laikas