Inscricións nos XIII Premios Martín Códax da Música ata o 22 de marzo
Xestor Xestor Estamos de volta!
Comezou xa a XIII edición dos Premios Martín Códax da Música, organizados por Músicas Ao Vivo para difundir a calidade e a diversidade da música galega.
O pasado 25 de febreiro tivo lugar a presentación aos medios, na que desvelamos as claves desta nova edición.
As inscricións de proxectos estarán abertas ata o 22 de marzo.
Dúbidas ou incidencias no proceso? Escríbenos a soporte@premiosmartincodaxdamusica.gal
Inscríbete, difunde, apoia. Que soe a música!
Velaquí as claves desta nova edición:
- Inscricións: do 2 ao 22 de marzo.
- Festa de Finalistas: 6 de maio.
- Gala dos Premios: 27 de maio.
- CATEGORÍAS: mantemos as 15 categorías musicais (xunto ás 3 Organistrum, a de Artista Emerxente e o Premio Honorífico)
- VOTACIÓNS: seguirá habendo dúas fases, unha primeira dun xurado profesional e unha segunda fase na que ademais dos socios e socias de Músicas ao Vivo tamén poderá votar o público xeral.
Tedes a información completa nas nosas Bases dispoñibles na nosa web: https://premiosmartincodaxdamusica.gal