O día 17 de Decembro celébrase no Pazo da Cultura de Pontevedra a Gala dos Premios Martín Códax da Música. Un ano máis, a Dirección Artística correrá por conta do Grupo Chévere, que xa andan enleados nos últimos detalles do espectáculo. A axilidade, a diversión e a intelixencia transgresora, están polo tanto garantidas.
Atrás quedou o prazo de Inscrición, con 360 proxectos inscritos. Atrás quedou a Primeira rolda de votacións, da que saíron 54 Finalistas. E atrás quedou tamén a gran Cea de Finalistas coa que un ano máis o principal patrocinador dos Premios, Martín Códax, quixo agasallar a todo o colectivo de músicos, na súa propia casa. Moitas grazas outra vez, e parabéns ós Finalistas deste ano:
Pop e indie: Ataque Escampe / Silvia Penide/ Los Chavales
Rock: Cró / Narf Trío / The Cornelius
Blues, funk & soul: Cats and Monkeys / Bakin Blues Band / Victor Aneiros
Jazz e músicas improvisadas: Sumrrá / Felipe Villar Trío / Xan Campos Trío
Hip-Hop e músicas urbanas: Wöyza / Som do Galpom / Aid Alonso
Música clásica e contemporánea: Orquestra Vigo 430 / Sounding Images / Samuel Diz
Folque: Vaamonde, Lamas e Romero / Cuarteto Caramuxo / Caxade
Música tradicional galega: Treixadura / Davide Salvado / Malvela
Músicas do mundo: Dos fíos invisibles chegan as cores / Trilitrate / 2uS
Canción de Autor: A Cada Canto / Xoel López / Xoán Curiel
Música infantil: Pablo Díaz e a Banda Tic Tac Toc / Xiqui Xoque Fiú Fiú! / Golfiños
Electrónica: Sub Rosa / Pálida / Chrysalid9
Metal: Aphonnic / Nao / Machina
Reggae, Ska & Mestizaxe: Zamaramandi / Dakidarría / Transilvanians
Orquestras, grupos e música de verbena: Orquestra Os Modernos / Los Satélites / Claxxon
Premio Organistrum Salas: Aturuxo / Garufa Club / Sala Capitol
Premio Organistrum Festivais: Espazos Sonoros / Festigal / Festival Sinsal Son Estrella Galicia
Premio Organistrum Espazos de Comunicación Musical: GZMúsica / Planeta Furancho / Tres Peixes Voando
Ata o día 14 de Decembro, Domingo, está aberta a Segunda Rolda de Votacións para escoller ós Premiados e Premiadas de cada Categoría. Non deixedes de entrar na web dos premios www.premiosmartincodaxdamusica.com. Escoitade, gozade do talento, descubride a música dos vosos colegas músicos, e votade. A vosa voz é importante, fundamental. O Premio é o prestixio e a distinción que o colectivo de músicos outorga a un e a outro proxecto. Todo o mundo agarda ouvir a nosa voz, agora tócanos a nós falar.
E o Mércores 17 de Decembro, facemos un chamamento a encher o Pazo da Cultura de Pontevedra. A entrada é de balde, ás 21:00. A emoción está asegurada. Ven compartir a Gran Festa da Música Galega!!!!