imaxe da nova
Actualidade

Novo contrato laboral artístico e Bono Cultural Joven

imaxe do usuario Xestor Xestor
25 marzo 2022

No BOE do 23 de marzo publícanse dúas medidas avanzadas polo goberno estatal. O novo contrato laboral artístico e as novas medidas en relación coas condicións laborais do sector; e as normas reguladoras do Bono Cultural Joven.


REAL DECRETO-LEY 5/2022, DE 22 DE MARZO
Segundo o Goberno, apróbanse medidas laborais pioneiras que sustentan o acordado no Estatuto do Artista que cumpre unha débeda histórica co sector.

- Redefinición e protección da actividade profesional  artística
Amplíase e modernízase a definición de espectáculo público que engloba actividades profesionais relacionadas que non implican, necesariamente, actuar encima dun escenario. Agora faise referencia a “as actividades culturais no ámbito das artes escénicas, audiovisuais e musicais” eliminando o concepto  desfasado de “artistas en espectáculos públicos”.

Incorpora ao persoal técnico e auxiliar que non pertenza á estrutura fixa das empresas do sector e tamén á nova realidade produtiva e novos formatos (podcast, streaming ou difusión online).

- Actividades técnicas e auxiliares
Incorpóranse ao Real Decreto-lei aprobado a relación laboral especial as actividades técnicas e auxiliares, recoñecendo os dereitos dun colectivo especialmente afectado pola contratación fraudulenta como falsos autónomos.

- Novo contrato laboral artístico
Créase un novo réxime de contratación cunha modalidade específica: o contrato laboral artístico.
A nova norma pretende combatir a precariedade e a concatenación de contratos de tempada e impulsa a súa transformación en indefinidos ou de tipo fixo descontinuo adaptados á realidade da actividade profesional que se desempeñe.
En consonancia coa reforma laboral, imponse a esixencia de acreditar a causa que xustifica a contratación e da duración temporal do contrato, cuxo incumprimento implica a consideración de contrato indefinido. Este novo contrato non poderá en ningún caso ser empregado para necesidades permanentes e estructurales. Hai novidades tamén en canto aos requirimentos de forma nos contratos.
Como garantía adicional prevese expresamente, a aplicación das regras contra o encadenamiento prolongado de contratos previstas no artigo 15 do Estatuto dos Traballadores.

- Novas indemnizacións
Mellórase o réxime indemnizador destes contratos. A contía unifícase a 12 días para todos os colectivos. Esta contía increméntase a 20 días cando a duración do contrato exceda de 18 meses.
As novas contías desincentivan o uso prologado da contratación temporal.

- Seguridade Social
No ámbito da Seguridade Social, establécese que os profesionais da cultura quedarán exentos do desincentivo incluído na reforma laboral para os contratos que duran menos de 30 días, debido á especial natureza das actividades artística, técnicas e auxiliares nas artes escénicas, a actividade audiovisual e a música, cuxo carácter é máis intermitente.

Ademais, dentro dos compromisos que se establecen no futuro Estatuto do Artista e en resposta ás particularidades do sector, cuxos traballos están caracterizados por unha gran  imprevisibilidad e por unha curta duración en moitos casos, contémplase unha cotización reducida para os autónomos con ingresos baixos do sector artístico e o emplazamento ao Goberno para que en 12 meses teña lista unha nova regulación da relación laboral de carácter especial das persoas artistas  para substituir ao Real Decreto 1435/1985, de 1 de agosto.

En principio, parece que segue vixente neste novo contrato a exclusión da cotización adicional nos contratos de duración determinada inferiores a 30 días, tal e como se viña aplicando dende a última reforma laboral.

Estamos estudando como se materializarán todas estas novidades na práctica real.
Nova oficial

 

BONO CULTURAL JOVEN
O novo programa de axudas ten como finalidade revitalizar e dinamizar o sector cultural en España, reducindo o impacto negativo causado pola pandemia, así como xerar entre os mozos o hábito de consumo de produtos culturais. Calcúlase que case 500.000 mozos de toda España pódense beneficiar destas axudas, recollidas nos Orzamentos Xerais do Estado para 2022 cunha partida de 210 millóns de euros.

- Beneficiarios
Persoas que cumpran 18 anos ao longo de 2022.

- Oferta subvencionable (400€ en total)
Cada persoa beneficiaria poderá destinar ata 200 euros a artes en vivo , patrimonio cultural e artes audiovisuais (repartirase entre entradas e abonos para artes escénicas, música en directo, cinema, museos, bibliotecas, exposicións e festivais escénicos, literarios, musicais ou audiovisuais); un máximo de 100 euros a bens culturais en soporte físico (libros; revistas, prensa, ou outras publicacións periódicas; videoxogos, partituras musicais, discos, CD, DVD ou Blu-ray); e outros 100 euros ao consumo dixital ou en liña (subscricións e alugueiros a plataformas musicais, de lectura ou  audiolectura, ou audiovisuais, compra de audiolibros, compra de libros dixitais, subscrición para descarga de arquivos multimedia ou podcasts, subscricións a videoxogos en liña, subscricións dixitais a prensa, revistas ou outras publicacións periódicas; limitadas a un máximo de catro meses).

- Non subvencionable
Adquisición de produtos de papelería; libros de texto curriculares, xa sexan impresos ou dixitais; equipos, software, hardware e consumibles de informática e electrónica; material artístico; instrumentos musicais; espectáculos deportivos e taurinos; moda e gastronomía. O bono tampouco cubrirá a adquisición de produtos que fosen cualificados como X ou pornográficos.

- Entidades adheridas
De uso exclusivo en establecementos ou institucións adheridas ao programa, que presten servizos en España e que, de forma profesional e habitual, exerzan actividades de venda ou posta ao dispor de produtos, actividades e servizos culturais.

Funcionamento
A xestión do programa realizarase a través dunha plataforma tecnolóxica específica, na que se presentarán as solicitudes, que se tramitarán por orde de presentación.
Unha vez concedida a axuda ao beneficiario, abonarase o importe total concedido, nun único pago, en formato de tarxeta prepago virtual nominal, que estará identificada cun número e a identidade do beneficiario. Estarán vixentes durante os 12 meses seguintes á súa concesión. Excepcionalmente, poderase emitir unha tarxeta física, no caso de que o beneficiario non dispoña de dispositivo móbil compatible para conter a mencionada tarxeta virtual, cando así se solicite.
Nova oficial

Novas Relacionadas

Inicio de sesión Rexistro
¿Olvidaches a contraseña?
Inicio de sesión Rexistro
or
Inicio de sesión Rexistro
Rexistro
Mediante o acceso á web, aceptas de xeito expresa que podamos usar este tipo de cookies nos teus dispositivos. Clica aquí para máis información