imaxe da nova
Actualidade

II Estudo de igualdade de xénero na industria da música (MIM)

imaxe do usuario Xestor Xestor
21 decembro 2022

MIM (Asociación de Mulleres da Industria da Música) presenta o "II Estudo de igualdade de xénero na industria da música" en España.

Analízase por segunda vez a situación das mulleres na industria musical en colaboración con YouGov (firma internacional de investigación de mercados e análise de datos).

Neste traballo revelan a situación das mulleres pasados tres anos dende o primeiro estudo, e trala crise económica e social derivada da pandemia. A análise volve a resaltar as desigualdades de xénero que existen dentro da industria e pon o foco en dúas realidades alarmantes. A falta de contactos, a escasa información e o menor salario por ser muller son tres das principais barreiras que se seguen atopando as traballadoras da industria musical

- A brecha salarial entre mulleres e homes segue superando o 20%.

- O 81% das mulleres teñen que renunciar a aspectos da súa vida anterior para poder alcanzar as súas metas profesionais dentro do sector musical.

O estudo conclúe que as medidas adoptadas polas empresas para loitar contra as desigualdades de xénero son insuficientes para as mulleres o que conleva que o 44% das mulleres do sector pensen en cambiar ou xa cambiaran de traballo durante o período da pandemia.

Estudio / Web MIM

 


Dende MAV seguimos traballando na elaboración do "Protocolo para a prevención e actuación en casos de acoso e violencia laboral nas artes escénicas" xunto con outras entidades galegas representativas como Escena Galega, a Asociación de Actries e Actores de Galicia (AAAG), a Asociación Sindical de Profesionais Técnicos do Espectáculo (TESGAL), a Asociación de Profesionais de Circo de Galicia (APCG) e a Plataforma Artes do Movemento (PAM).

Este protocolo ten por obxectivo previr e erradicar a violencia e acoso no mundo do traballo, incluíndo a violencia e acoso laboral por razóns de sexo/xénero, sen prexuízo das especificidades que se poidan constatar de acordo á natureza de cada profesión e/ou actividade en particular no marco das Artes Escénicas e a Música.

Novas Relacionadas

Inicio de sesión Rexistro
¿Olvidaches a contraseña?
Inicio de sesión Rexistro
or
Inicio de sesión Rexistro
Rexistro
Mediante o acceso á web, aceptas de xeito expresa que podamos usar este tipo de cookies nos teus dispositivos. Clica aquí para máis información