Cultura da Deputación da Coruña presenta as Residencias Artísticas Mariñán 2024.
A área provincial de Cultura continúa coa liña de apoio á creación a través das residencias artísticas no Pazo de Mariñán 2024.
Seleccionaranse oito proxectos: 4 proxectos do eido da música e outros 4 de literatura e pensamento.
O programa de música quere promover o desenvolvemento da produción musical galega desde unha ollada contemporánea e consciente; establecer un contexto de acompañamento e formación para mellorar a viabilidade e a profesionalización das producións, e crear sinerxías con outras residencias e programacións para fomentar o intercambio de propostas e artistas e mellorar a proxección das producións.
A residencias inclúen a dotación material necesaria e espazos axeitados no Pazo de Mariñán para o desenvolvemento das propostas; manutención e aloxamento para as e os participantes, e acompañamento e seguimento do proxecto por parte da comisaria e do comisario co fin de facilitar a súa viabilidade. No caso das estadías de música, tamén formación específica para a profesionalización e a distribución das propostas, que farán persoas expertas convidadas; visitas e reunións de axentes culturais e programadores e programadoras, para apoiar a continuidade do traballo feito nas estadías dentro dos circuítos musicais; e financiamento das necesidades técnicas da creación: deseño escénico, de luces e de son ou o vestiario.
As Residencias desenvolveranse entre o 15 e o 26 de abril, e terán unha duración máxima de 6 días os da música, e de 12 días os literatura e pensamento
O prazo de tramitación de solicitudes estará aberto ata as 14:00 horas do día 23 de febreiro.
O xurados estarán presididos pola deputada de Cultura e formarán parte de cada un deles tres persoas expertas de recoñecido prestixio.
Poden concorrer a esta convocatoria bandas ou artistas, maiores de 18 anos, con residencia en Galiza, de calquera estilo musical e que acheguen propostas con repertorio propio e en lingua galega, e que non obtivesen unha residencia Mariñán Música na convocatoria anterior
Bases / Nova