CONCERTO DE IVÁN FERNÁNDEZ NO MUSEO DE BELAS ARTES DA CORUÑA O DÍA 4/12/22 04-12-2022 12:00
AIRES GALEGOS - Iván Fernández
"Aires galegos" é unha viaxe sonora a través de obras inspiradas na nosa música tradicional dos autores que mellor representan o pianismo galego dos séculos XX e XXI.
O percorrido iníciase na Arxentina, onde a migración levou consigo a nosa tradición.
Alí cobraron vida o intimismo costumista do coruñés Andrés Gaos Berea e o cromatismo case wagneriano do compositor de orixe galega Isidro Maiztegui Pereiro.
De volta a Galiza topamos coa linguaxe vangardista do contemporáneo Miguel Matamoro, culminando co virtuosismo neoromántico de Juan Durán.
Esta proposta de programa pretende dar maior difusión e poñer en valor obras que son dignas de ser comparables ao repertorio máis afamado e que sen dúbida merecen un oco dentro do canon pianístico.