Dende Músicos Ao Vivo queremos achegarvos algo de información sobre a Rede Galega de Música Ao Vivo que se convocou recentemente.
Os Prazos de Programación, como xa saberedes, son:
- Preprogramación: Do 1 ao 18 de Marzo
- Programación definitiva: Do 20 ao 26 de Marzo para as salas que teñan que cambiar algún dos grupos, que non acaden a contratación mínima esixida na normativa que regula esta Rede.
Os concertos comezarían o 1 de Abril.
Para este ano é requerimento indispensable que todos os compoñentes do grupo teñan a alta na Seguridade Social correspondente a cada día de actuación. Isto será requerido pola AGADIC xunto coas facturas. Sen isto non poderedes cobrar o bolo, moito ollo!!.
Para garantir que este último apartado sexa viable firmouse un convenio entre AGADIC, Clubtura e Músicos Ao Vivo no que se garantirán uns caché minimos que podedes ver na siginte táboa.
| Nº Compoñentes | Caché Mínimo | S.S. | IRPF | IVE | Neto por Músico |
| 1 | 165,00 € | 30,64 € | 1,07 € | 24,20 € | 109,09 € |
| 2 | 225,00 € | 33,58 € | 1,18 € | 33,39 € | 78,42 € |
| 3 | 295,00 € | 38,94 € | 1,35 € | 43,89 € | 70,27 € |
| 4 | 370,00 € | 44,72 € | 1,56 € | 54,60 € | 67,28 € |
| 5 | 395,00 € | 54,90 € | 1,90 € | 58,17 € | 56,00 € |
Podedes ter en conta estes cachés á hora de negociar coas salas, pero tede en conta que son MÍNIMOS SALARIAIS que garanten que as condicións sexan dignas, NON SON NECESARIAMENTE OS CACHÉS QUE TEDES QUE TER.