Abertas as inscricións da Rede Cultural da Deputación da Coruña
Xestor Xestor A área de Cultura da Deputación da Coruña abre a convocatoria para unha nova edición da Rede Cultural 2021, cun incremento de arredor de 300.000€ para o sector profesional nun orzamento que pasa a 1.900.000€.
Artistas, empresas de distribución ou agrupacións terán até o día 26 de febreiro para inscribirse no catálogo da nova edición da Rede Cultural. Os concellos terán ata o 20 de abril para facer a escolla das distintas propostas.
Prolóngase o período de actuacións que pasa a rematar o 31 de marzo do 2022, para posibilitar a execución das programacións ao completo.
A Deputación achega entre o 75% e o 30% do orzamento dependendo dos habitantes de cada concello.
Para proxectos musicais profesionais, a principal categoría volve ser "Escena ao Vivo!".
*Para os socios e socias de Músicos ao Vivo S. Coop. Galega podemos facer a inscrición a través da propia cooperativa.
Nova oficial / Bases