Falece a Dorothé Schubarth, autora do 'Cancioneiro popular galego'
Xestor Xestor A asociación Músicas ao Vivo mostra o seu pesar polo falecemento de Dorothé Schubarth, musicóloga á que lle debemos o 'Cancioneiro popular galego' canda o académico Antón Santamarina, e que representa arredor de 5000 letras e 248 Cds coas gravacións orixinais en cinta dixitalizadas. As gravacións e recolleitas da nosa música tradicional foron realizadas nos anos 70 e 80 por todo o país con criterios científicos e introducindo a perspectiva dos informantes.
Muller intrépida e empoderadora. Aínda hoxe é insuficiente o coñecemento da transcendencia do seu legado por parte da sociedade galega para a preservación da tradición oral.
Dorothé Schubarth recibiu o Premio honorífico Martín Códax 2017. para o recordo queda a entrevista que lle fixemos nesas datas.