Asemblea Xeral, o sábado 16 de marzo na Nave de Vidán de Santiago de Compostela
Xestor Xestor O vindeiro 16 de marzo (sábado) terá lugar a primeira Asemblea Xeral do ano.
Ollo! que cambiamos o día e o lugar de reunión!
A cita será na Nave de Vidán de Santiago de Compostela, ás 11:00h.
Manteremos o formato presencial e online.
Informaremos en seguintes comunicacións da orde do día e procederemos tamén ao envío da acta anterior para axilizar a reunión.
A nova directiva quere pulsar conxuntamente e de primeira man a visión sobre a situación actual do sector musical en Galicia; así como da situación da asociación e da cooperativa e do traballo que se leva desenvolvendo estes últimos meses. É por iso que pretendemos aumentar as vías de comunicación e a participación dos socios/as nas tomas de decisión futuras. Por suposto, haberá turno para rogos e preguntas dos asociados/as, o intercambio de pareceres e o debate.
Reservade a data!