Nesta XI edición dos Premios Martín Códax da Música inscribíronse 464 proxectos.
Hoxe máis que nunca, é necesario seguir cumprindo o obxectivo principal para o que se crearon estes Premios: Visibilizar a grande cantidade, calidade e diversidade dos proxectos musicais galegos.
Queremos salientar o carácter non competitivo deste proxecto, que soamente trata de poñer en valor e achegar á cidadanía o gran potencial do noso sector e fortalecer o compañeirismo e unión do noso gremio.
Anunciouse tamén que Xurxo Souto será o condutor e director da Gala da XI edición do 15 de maio. Coa música da Orquestra Bravú Xangai e moita sorpresas.
Rematada xa a fase de votación do Xurado, daranse a coñecer os proxectos finalistas o vindeiro 24 de abril no Encontro de Finalistas. Como gran novidade desta edición, abrirase o proceso da segunda fase de votación en todas as categorías ao voto público.
O xurado desta edición estivo composto por:
- PILAR G. REGO: xornalista e comunicadora.
- ELENA VÁZQUEZ: violinista, improvisadora e mestra de violín.
- ALBERTO BUSTO: Guitarrista, cantante e streamer.
- MARITXINHA: baixista en varios proxectos musicais.
- CAO DE MOS: Coordinador da actividade cultural da Sala Rebullón.